Имрӯз, бахшида ба Рӯзи ҷавонони Тоҷикистон, дар Коллеҷи муҳандисӣ-маърифатии ноҳияи Рашт ҳамоиши фарҳангиву тарбиявӣ таҳти унвони «Шоми ҷавонон» баргузор гардид. Дар чорабинӣ муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, инчунин омӯзгорон ва донишҷӯёни фаъол иштирок намуданд.
Ҳамоиш бо мақсади баланд бардоштани ҳисси ватандӯстӣ, худшиносии миллӣ ва рушди маънавии ҷавонон роҳандозӣ гардида, дар рафти он барномаҳои фарҳангӣ, суханрониҳо ва саҳнаҳои тарбиявӣ манзур гардиданд.
Иштирокчиён аз баргузории чунин чорабиниҳои маърифатию тарбиявӣ изҳори қаноатмандӣ намуда, таъкид доштанд, ки ҷавонон ҳамчун нерӯи созандаи ҷомеа бояд ҳамеша дар сафи пеши тараққиёти кишвар қарор гиранд.
Манбаъ: Гурӯҳи фейсбукии Коллеҷи муҳандисӣ-маърифатии ноҳияи Рашт
